「有咩唔識記得問我」這句話其實有伏?

辦公室多了一個陌生臉孔,看來是一位剛畢業的女孩子,大概是公司又請了新人。


她臉上寫滿不知所措的字句,負責同事 Jason 也留意到,立即過去安排工作。但 Jason 是大忙人一個,匆匆交代幾句後,便拋下一句「你有咩唔識就問我啦。」接著頭也不回地走了。


留下那個仍然滿頭問號的女孩。

但 Jason 已經遠去,女孩唯有嘗試把工作完成,我都開始工作,不再留意她。


直到 Lunchtime 時,Jason 就過來向我抱怨,「個新人 Chur 到呢,講嘢講到機關槍咁,BI LI BA LA 係咁問,尿都唔得閒痾。」


我大概能理解新人的感受,拍拍 Jason 肩頭,「新人咩都唔識係會問多啲,咁都忍唔到點做人阿 Head 呀。」


其實,不止是這個女孩子,連我自己作為職場新手的時候,也犯過類似的錯。最經典就是被上司教訓,「我請你返嚟,係解決問題,唔係比翻個問題我。」


當時真的覺得比粗口還要難聽,但自此以後便學乖了,不會再犯上同類錯誤。


有甚麼竅門?就是轉換問題的形式。

不要「原封奉還」

上司最討厭是甚麼?就是毫無思考、原封不動地將問題拋回給他,例如上司要你想想這個 Project 要怎樣做,你就原封不動地問佢,「我想問要點做?」站在上司角度,自然覺得你懶得動腦筋。


問問題需要技巧,最簡單就是簡述工作進度,「我做到呢度,發現有啲位唔係好肯定」、「我想搞清楚其中小小地方」令對方覺得你有嘗試、了解過。


或者可以列舉出一兩個方案,「我覺得可以用 A 同 B 呢兩個方案,A 就會平啲,B 就會快啲,唔知你覺得邊個會啱啲?」即使不被採納也不要緊,至少證明你有動腦筋去解決。

辦公室的指路明燈

但正如 Jason 所說,沒理由連「幾點放 Lunch、Printer 點用、Wi-Fi 係咩」都要問上司,但不問又真的不知道,往往令新人不知所措。


這個時候,就要向同級或附近同事請教。尤其坐在你旁邊的同事,通常會成為你辦公室的指路明燈,打好關係會令辦公室生活好過一點。


其次,就是靠觀察。即使是同事,日夜被問題轟炸也不好受。作為新人,盡量多觀察辦公室內的人和事,避免事無大小都問別人,會讓人感覺「醒目」一點。


我相信「有咩唔識記得問我」是畢業生踏入辦公室第一個試煉,如何看人「眉頭額眼」,是社會上一門必修課;學會問問題,就是這個課程的第一堂。

Copyright ©Dozen Base Limited. All Rights Reserved.

關於拾貳初衝

職涯導向

​聯絡我們

+852 2391 2928

Unit 1703, 909 Cheung Sha Wan Rd, Cheung Sha Wan

  • Facebook
  • Instagram